အလွမ်းတောင်ပံခတ်သံ

သတင်းပလင်းချေနားစွင့်

ပစ္စက္ခ နန့် အတိတ်ကိုပေါင်းကေ

မိုင်ပေါင်းဇာလောက်ရှိယာလည်း

ယလောက်ထိလွမ်းရေ။

ဒေသကိုချစ်ဖို့

အမှတ်တရတိကသင်ပီးရေ

ဘဝကိုချစ်ဖို့

ဒုက္ခတိကသင်ပီးရေ

မင်းကိုချစ်ဖို့

ရွာကသင်ပီးလိုက်တေ

အဝီးကညဉ့်တိထက်မာ

ကြယ်ရောင်တိကတော့

ပုံမှန်လင်းလက်လို့။

လမ်းပျောက်နိန်ရေ အနာဟောင်းတိက

တဆစ်ဆစ်နာတုန်း

ဖောင်တော်ဦးက ဆိုခရေတေးခြင်းတိ

ဖြားအတက်အကျမာ မျောလို့ဟိမ့်လီလား

ပြန်မပို့နိုင်ရေ ခွန်အားတိနန့် 

ပိတ်လှောင်နိန်ရေဘဝကို

ရွာကတော့

အဝီးက ငေးလို့ရှိလီဖို့။

ကမ္ဘာနန့်ချီလာရေအလွဲတိထဲမာ

အတိတ်တိ အရောင်မထွက်နိုင်ခသမျှ

ငါရို့စွာ

ဘဝကို အရစ်ကျပြန်ဆပ်နိန်ရရေ

မလွမ်းချင်ပါဝေလို့ဇာလောက်ပြောပြော

ထားခရရေဘဝတိအတွက်

ကြယ်ကြွီတိကို ထိုင်ကြည့်

အလွမ်းစိတ်ဆိုစွာ ငွေနောက်မာအိပ်နိန်ရရေ။

အိမ်မက်တိ...

မျှော်လင့်ချက်တိ...က

ညဉ့်ပိုးကောင်ချေတိပိုင်

အမှောင်မာမြည်နိန်ရေအသံတိကညံလို့။

မိသားစုဆိုစွာက

ပြက္ခဒိန်ထဲက ရက်တိကိုရွီ။

ရွာနန့်အဝီးမာ...

အသိုက်မဲ့ငှက်ရို့၏ နိရက်တိ

အသိုက်ပျောက်ငှက်ရို့၏ နိရက်တိ

ညောင်းနိန်ရေ အတောင်ပံတိကို ခတ်ရင်း

မနားတမ်းပျံသန်း။

                            ပန်းသီကြိုး(ရသေ့တောင်)

                            ၂၉-၇-၂၀၂၁

မိုးရိပ်ဖွဲ့ရပ်ဝန်း

မြို့ထက်ကိုဖုံးလွှမ်းဖို့
အချိန်မရွီးရွာသွန်းလိုက်ဖို့
အလိုက်ကာသင့်ယာယေ။

ဆန့်ထားရေလက်တိ
လမ်းတပိုင်းအရောက်မာ
ပန်းတိက တဖြုတ်ဖြုတ်ကြွီ...

နောက်ဆုံး အချိန်တိထက်က
ရစ်နှောင်ဖြတ်သန်းထားခရေ
ဆီးသားအသစ်စက်စက်တိလည်း
အရောင်မှိန်လွန်းနိန်ရေလို့ပြောဖို့လား

မကြားနိုင်ရေ နားတိနန့်
မကြားတကြားစကားတိကိုယူလား
မကြာမကြာရွာနိန်ရေ မိုးတိစွာ
မျက်ရည်စီးကြောင်းတိပိုင်
ဒရဝေါစီးလို့။

ဘဝကိုတိုက်စားထားသမျှ
အမှတ်တရဆိုစွာ တခါတရံအတွက်ပေါ်ဖို့
စကားရာ
လူဆိုစွာ
လမ်းဖြစ်လို့လျှောက်ကတ်ရရေ မဟုတ်လား
မဲမှောင်အုံ့ဆိုင်းလာရေ မိုးရိပ်တိနောက်က
ဘဝဆိုစွာ နီမပူခင် စီးခွင့်ရခရေ ရစီးကြောင်းချေရာ။

                                            ပန်းသီကြိုး(ရသေ့တောင်)
                                            28-7-2021
           

ထွက်ထုတ်ရခက် အပိုင်းအစ

လူနိန်ရပ်ဝန်းတိ
ဗရဗွေသတ်နိန်ကျအတိုင်း။
ဒဏ်ရာတိကတော့
ဒယောဆိုးမာ စိုက်ဝင်နိန်ရေ စာချေတိပိုင်
ဇာကိုအရင်နူတ်ရဖို့စွာလည်း...
အဆုံးထိလက်ထိုးနှိုက်ထုတ်လိုက်တိုင်း
ကျန်နိန်ခရေအစိတ်အပိုင်းတစ်ခုပိုင်
အဆင်မပြေမှုတိက
ကပ်သီကပ်သပ်နိုင်လွန်းရေ‌။
တရက်လား
တသက်လား
သံသရာတခုလုံးလား
ကိုယ့်လက်ထဲကဒုက္ခစွာ
အကြီးဆုံးအစိတ်အပိုင်းယာလား
ငါကိုယ်တိုင်မဖြေနိုင်ရေမေးခွန်းကို
လူတိုင်းကိုလိုက်မိန်းဖြစ်တေ။

                 ပန်းသီကြိုး(ရသေ့တောင်)
                 ၂၈-၇-၂၀၂၁

နပူပြင်ကရွင့်လာရေတေးသွားချေတစ်ပုဒ်အကြောင်း

ဆောင်းကိုကြိုက်တေလို့ပြောရေ

နှင်းတိလည်းရီသောက်ငတ်လို့ 

ထွက်လားခစွာရာ

ကွဲအက်နိန်ရေ ကျောက်သားတချပ်ပိုင်

ပြန်ဆက်ဖို့လည်းမကြိုးစားဖူးခ

ဇရပ်တဆောင်ပိုင်

ထွက်လားသူတိုင်းကို လွမ်းနိန်ဖို့မဖြစ်နိုင်လို့

ကိုယ့်ရင်ဘတ်နန့်ကိုယ်

အနိုင်နိုင် ကြွီကွဲဖူးစွာရာယေ

အနာဂတ်တိစွာ

ရငွီ ကပ်နိန်ရေမှန်တချပ်ပိုင်

အသာချေပွတ်ကြည့်လိုရာမြင်တန်းဆိုကေ

နောင်တ ဆိုရေလမ်းက

သင်ခန်းစာတိကို နှမြောမိယင့်။

ပြက္ခဒိန်ထဲက

ရက်ကောင်းရက်မြတ်တိကိုကြည့်လိုက်

ခုနှစ်ရက်သားသမီးတိုင်းက

ပြဿဒါးဖြစ်ဖူးကြောင်းပြောပါလိမ့်မေ

အချစ်ဆိုစွာက

လက်စပြန်ဆပ်လို့ ရက်ရာဇာဖြစ်လာစွာမျိုးမဟုတ်

ပြဿဒါးရက်တိကိုဆုပ်ခရေ

နပူပြင်က ရွင့်လာရေ တေးသွားချေတပုဒ်ရာ။

                           ပန်းသီကြိုး(ရသေ့တောင်)

                           ၂၇-၇-၂၀၂၁

အတန်တန်မကျရေ နိစ္စဓူဝကမ္ဘာ

လွန်ရေ လို့မဟိမ့်လား

လွန်ရေလို့မဟိမ့်လား

အတန်တန်ကားမကျ

မိုးရွာကေလည်းအလွန်

လီထကေလည်းအလွန်

ချစ်တေခါ အပြစ်မမြင်လတ်

ယင်းပိုင်နန့် အရှိဖက်အိမ်ကလင်မယားလည်းကွဲခယာ

ပတ်ဝန်းကျင်မာ ရယ်စရာတိရာရွင့်လို့

တာရှည်ခံလွန်းနိန်ပြန်ယာ

အတန်တန်ကားမကျ

ဒေကမ္ဘာစွာ အလွန်များရေ

အတန်တန်မကျ

ဟိမ့်သမျှကုန်အောင်စားစွာလည်းသူ

မဟိမ့်လို့ရင်ကွဲခါလည်းသူ

လူမြင်လွန်းရေအရပ်မာ

ကားရီကားရား ရာရပ်နလီဖိ။

ကားရီကားရား ရာရပ်နလဖိ။

အတန်တန်ကားမကျ။

လက်ထဲက...

လက်ထဲကခုန်ထွက်လားရေ လောဘတိကိုလိုက်ဖမ်း

ကိုယ့်ဒဏ်နန့် ကိုယ့်ငရဲခန်းမာ

ဇာသူကို ထိုးချချင်သိမ့်စွာလည်း

အတန်တန်ကားမကျ

လွန်ရေလို့မဟိမ့်လား

လွန်ရေလို့မဟိမ့်လားယေ။

ကိုယ်ဖြန့်ထားရေ ဝါဒတခြွီနန့်

ကိုယ်စွာကိုယ်ရာမွီနလီပါ 

လက်ဝါးအောက်ဖက်က ဖောက်ထွက်လာရေလို့

သဘောထားကေ

သံမှိုကိုအပြန်ခတ်သွင်းထားခရေ ရက်တိမာ

အတန်တန်ကားမကျ။

လွန်ရေလို့မဟိမ့်လားယေ။

                       ပန်းသီကြိုး(ရသေ့တောင်)

                       ၂၆-၇-၂၀၂၁

                  ပန်းသီကြိုး(ရသေ့တောင်)

                  ၂၆-၇-၂၀၂၁

ကြွက်တစ်ကောင် လူတစ်ယောက်နန့် လူရိုင်းတိအကြောင်း

အိမ်သားမကြိုက်လို့ မနီရတမ်းဆိုကေ
ကြွက်ဖြစ်စွာပင်ကောင်းလီယင့်

ဇာကရောက်လာလည်း
ဇာခါလားဖို့လည်း
ပျော်ကြီးကျမျက်ရည်နန့်
ဘဝကို အဖတ်ဆည်နိန်ရစွာကို
ကြည့်မကျကတ်တေလူတိ
ကြည့်မကျကတ်တေလူတိ များရေကာ
အိမ်သားမကြိုက်ကေ
ကြွက်ဖြစ်စွာပင်ကောင်းလီယင့်

လောကအမျိုးအစားတိထဲက
ဘဝဆိုရေအခါးကိုလည်းဆယ်မထုတ်နိုင်သိမ့်
ဇာကိုငုံကြည့်နိန်စွာလည်း
ဇာကိုငုံလို့ကြည့်နိန်စွာလည်း
အမြင်တိကို နှောက်ဖို့
မရေမရာအတွေးတိ ဖောက်ထည့်
သောက်ကြည့်နိန်စွာ အရိပ်မကျသိမ့်လား
ဆုံးရေ ...ဆုံးရေ

သမိုင်းနန့်ချီလို့
ရာဇဝင်နန့်ချီလို့
နှစ်တစ်ရာမပြည့်နိုင်ရေဘဝကို
ဇာအတ္တတိ နန့်အရောင်တင်နိန်စွာလည်း
စွန့်ခွါလာရသူတိုင်း
စွန့်လွတ်နိုင်ခရေလို့ တွေးပါ
ဘဝဆိုရေသစ်ကိုင်းမာ
တချက်ချေနားခရေငှက်တိပါဝေ
တနားချေ နားခရေ ငှက်တိရာ
ပျံသန်းခြင်းနိယာမထဲက ကန်အားတစ်ခုပိုင်
အစပြုလိုက်

ကြွက်တစ်ကောင်ဖြစ်ဖြစ်
လူတစ်ယောက်ဖြစ်ဖြစ်
ကိုယ့်အရိပ်ကို ကိုယ််ခင်လီဖို့
ကိုယ့်အရိပ်ကိုယ်ခင်လီဖို့လို့
မတွေးမိလီလား
ထားပါဖိ ထားပါဖိဂိုးချေ
သံသရာအဆက်ဆက်မာ
ငါရာ လတတ်လို့မှတ်လီဖိ။

                   ပန်းသီကြိူ(ရသေ့တောင်)
                   ၁၆-၇-၂၀၂၁

အမှောင်ခေတ်၏ အရောင်လိုက်နှစ်များ

[Unicode]

အမှောင်ကိုကြိုက်တေပိုးကောင်တိပိုင်

ညဉ့်ဆိုစွာ အမဲလိုက်ဖို့ဖြစ်လားရေ

သူတော်ကောင်းတရားလား

အိပ်စက်ခြင်းဝတ်ရုံတော်နန့်

အိမ်မက်တိ တောင်ပုံယာပုံပြန့်ကျဲ

နိုးစက်နာရီကတော့ ဓါတ်ခဲကုန်နီတုန်း...

အကြောက်တရားနန့်မောင်းနှင်လာရေ

ဂါရီထက်က

အပ်ကျသံတစ်ခုအောက်မာ

ငါးပါးမှောက်နိန်ရေလမ်းတိလည်း

ဗန်းဒီပြန်နီတုန်း...

ရာသီစက်မလည်ပတ်တေ လယ်စွက်ထဲက

ဘဝတိလည်းထွက်ကျလာစရာမလို

ပစ္စက္ခ နူတ်ကပတ်တော်ထဲမာ

အရင်းနှီးဆုံး သားသမီးတိ၏ငိုသံကို

အကျယ်လောင်ဆုံး ကြားနီရတုန်း...

မီးမစွဲနိုင်ရေ ထင်းတိပိုင်

ဇာကိုလောင်ကျွမ်းပစ်ခီဖို့လည်း

ရှင်သန်ခြင်း နိယာမထဲကရုန်းထကြည့်လိုက်တိုင်း

တစ်လှမ်းစာနောက်ကျနိန်ရစွာပင်

စနစ်တစ်ခုလား 

အကျိုးတရားတိ မအားလပ်နိုင်ရေငရဲမာ

အနာကိုဆုပ်လို့ ဟန်လုပ်နီရတုန်း...

အမှောင် မာမြင်နိုင်ရေသတ္တဝါတိပိုင်

တတိုင်က လက်ခမောင်း ခတ်တေ 

များကာကတော့

ရရစားစားအိမ်မက်နန့် 

တာထွက်နောက်ကျနိန်ရေ ဘဝတိကိုမြိုချ

မြိုချ နိုင်မှ 

အတန်ကျရေ မဟုတ်လား

အမှောင်ဆိုစွာ လည်းအရောင်တစ်မျိုးလို့

လက်ခံလိုက်တေ။

                ပန်းသီကြိုး(ရသေ့တောင်)

                ၂၀-၇-၂၀၂၁

[Zawgyi]

အေမွာင္ကိုႀကိဳက္ေတပိုးေကာင္တိပိုင္

ညဥ့္ဆိုစြာ အမဲလိုက္ဖို႔ျဖစ္လားေရ

သူေတာ္ေကာင္းတရားလား

အိပ္စက္ျခင္းဝတ္႐ုံေတာ္နန႔္

အိမ္မက္တိ ေတာင္ပုံယာပုံျပန႔္က်ဲ

ႏိုးစက္နာရီကေတာ့ ဓါတ္ခဲကုန္နီတုန္း...

အေၾကာက္တရားနန႔္ေမာင္းႏွင္လာေရ

ဂါရီထက္က

အပ္က်သံတစ္ခုေအာက္မာ

ငါးပါးေမွာက္နိန္ေရလမ္းတိလည္း

ဗန္းဒီျပန္နီတုန္း...

ရာသီစက္မလည္ပတ္ေတ လယ္စြက္ထဲက

ဘဝတိလည္းထြက္က်လာစရာမလို

ပစၥကၡ ႏူတ္ကပတ္ေတာ္ထဲမာ

အရင္းႏွီးဆုံး သားသမီးတိ၏ငိုသံကို

အက်ယ္ေလာင္ဆုံး ၾကားနီရတုန္း...

မီးမစြဲႏိုင္ေရ ထင္းတိပိုင္

ဇာကိုေလာင္ကြၽမ္းပစ္ခီဖို႔လည္း

ရွင္သန္ျခင္း နိယာမထဲက႐ုန္းထၾကည့္လိုက္တိုင္း

တစ္လွမ္းစာေနာက္က်နိန္ရစြာပင္

စနစ္တစ္ခုလား 

အက်ိဳးတရားတိ မအားလပ္ႏိုင္ေရငရဲမာ

အနာကိုဆုပ္လို႔ ဟန္လုပ္နီရတုန္း...

အေမွာင္ မာျမင္ႏိုင္ေရသတၱဝါတိပိုင္

တတိုင္က လက္ခေမာင္း ခတ္ေတ 

မ်ားကာကေတာ့

ရရစားစားအိမ္မက္နန႔္ 

တာထြက္ေနာက္က်နိန္ေရ ဘဝတိကိုၿမိဳခ်

ၿမိဳခ် ႏိုင္မွ 

အတန္က်ေရ မဟုတ္လား

အေမွာင္ဆိုစြာ လည္းအေရာင္တစ္မ်ိဳးလို႔

လက္ခံလိုက္ေတ။

                ပန္းသီႀကိဳး(ရေသ့ေတာင္)

                ၂၀-၇-၂၀၂၁

ကမ္ဘာနန့်မသက်ဆိုင်သူများ

မတော်လောဘတိနန့် ထင်ရာစိုင်းချင်ကေလည်း
စိုင်းနိုင်ရေ
မဆိုင်အတွေးနန့် မယိုင်လဲလို့ထင်ချင်ကေလည်း
ထင်နိုင်ရေ
အတ္တတစ်ကွက်နန့် ဘဝတိကိုထည့်မတွက်ကေလည်းနိန်
ဒေကမ္ဘာကတော့ အသက်ရှူကြပ်နိန်ယာ။

မတန်တဆ စိတ်ထားနန့် ဈီးတင်ရောင်းချင်ကေလည်းရောင်း
လျော့ထီလျော့ထုတ် အတွေးနန့်
စည်းကမ်းစွာ
ကိုယ့်အတွက်မဟုတ်လို့ မှတ်ချင်ကေလည်းမှတ်
ကိုယ့်လက်ကိုယ်ဆီးဖို့ မအားလပ်
အကြောင်းပြချက်တိနန့် စကားတတ်ချင်ကေလည်းတတ်
ဒေကမ္ဘာကတော့ အသက်ရှူကြပ်နိန်ယာ။

ကြက်ရိနာဖြစ်တေပိုင်
အလကားရရေလီကို
ဝအောင်ရှူခွင့်မရယာဆိုခါမှ
မဆီမဆိုင် ဘုရားကိုလားမတကေ့ချက်

ဘုရားမကြိုက်တေ တရားနန့်
ခရီးလားခရေရက်တိမာ
ကိုယ်စရိတ်နန့်ကိုယ်
ကိုယ်တရားနန့်ကိုယ်မဟုတ်လား
လားရာလားလီဖိ မိတ်ဆွေ
အောက်စီဂျင်နည်းလာရေကမ္ဘာမာ
ကိုယ်စရိတ်နန့်ကိုယ်မနိန်နိုင်ရေလူသားတိ
အသက်ဝအောင်ရှူကတ်ပတ်ဆီ။

                  ပန်းသီကြိုး(ရသေ့တောင်)
                  ၁၉-၇-၂၀၂၁

[Zawgyi]

မေတာ္ေလာဘတိနန႔္ ထင္ရာစိုင္းခ်င္ေကလည္း

စိုင္းႏိုင္ေရ

မဆိုင္အေတြးနန႔္ မယိုင္လဲလို႔ထင္ခ်င္ေကလည္း

ထင္ႏိုင္ေရ

အတၱတစ္ကြက္နန႔္ ဘဝတိကိုထည့္မတြက္ေကလည္းနိန္

ေဒကမာၻကေတာ့ အသက္ရွဴၾကပ္နိန္ယာ။

မတန္တဆ စိတ္ထားနန႔္ ဈီးတင္ေရာင္းခ်င္ေကလည္းေရာင္း

ေလ်ာ့ထီေလ်ာ့ထုတ္ အေတြးနန႔္

စည္းကမ္းစြာ

ကိုယ့္အတြက္မဟုတ္လို႔ မွတ္ခ်င္ေကလည္းမွတ္

ကိုယ့္လက္ကိုယ္ဆီးဖို႔ မအားလပ္

အေၾကာင္းျပခ်က္တိနန႔္ စကားတတ္ခ်င္ေကလည္းတတ္

ေဒကမာၻကေတာ့ အသက္ရွဴၾကပ္နိန္ယာ။

ၾကက္ရိနာျဖစ္ေတပိုင္

အလကားရေရလီကို

ဝေအာင္ရွဴခြင့္မရယာဆိုခါမွ

မဆီမဆိုင္ ဘုရားကိုလားမတေက့ခ်က္

ဘုရားမႀကိဳက္ေတ တရားနန႔္

ခရီးလားခေရရက္တိမာ

ကိုယ္စရိတ္နန႔္ကိုယ္

ကိုယ္တရားနန႔္ကိုယ္မဟုတ္လား

လားရာလားလီဖိ မိတ္ေဆြ

ေအာက္စီဂ်င္နည္းလာေရကမာၻမာ

ကိုယ္စရိတ္နန႔္ကိုယ္မနိန္ႏိုင္ေရလူသားတိ

အသက္ဝေအာင္ရွဴကတ္ပတ္ဆီ။

                  ပန္းသီႀကိဳး(ရေသ့ေတာင္)

                  ၁၉-၇-၂၀၂၁

ကြယ်ကြွီလမ်း

ကိုယ်ကျိုးကြည့်သူတိမလျှောက်ဝံ့ရေလမ်း
နောက်ဆံတင်းသူတိ မရောက်ဖြစ်တေလမ်း
ကြယ်ကြွီလမ်း...

လမ်းပျောက်နိန်ရေအနာဂတ်ကို
လမ်းဖောက်ပီးဖို့စိတ်နန့်
ပီးဆပ်ခရေအတိုင်း
ဒေကြယ်ကြွီလမ်းတိ
ပြောင့်ပါလီ...

မနားတမ်းလျှောက်ခရေခလှမ်းတိုင်း
လမ်းခုလတ်မာ ကြွီရေ ကြယ်တိုင်း
အမှန်လွမ်းသူတိဟိမ့်ကြောင်း
သမိုင်းတိက လမ်းမှန်ရောက်အောင်ပြပါလိမ့်မေ

ရှင်သန်ခြင်းနိယာမထဲမာ
သီခြင်းတရားဆိုစွာက ကဏ္ဍချေတစ်ခုလောက်ရာ
အရေးပါကြောင်း
နောက်လူတိပြောပါလိမ့်မေ
ထာဝရရှင်သန်မှုအတွက်
ကြယ်ကြွီလမ်းထက်မာ
ကြယ်တိုင်းသင်းရေရနံ့က
ရခိုင်ဆိုစွာဟိမ့်နိန်သရွိ
သင်းပျံ့ပါလိမ့်မေ။

ဒေလမ်းက ကြယ်ကြွီလမ်းပါဝေ
မနွမ်းရေပန်း စွာ
မခမ်းရေစမ်း မာ
ထာဝရ လန်းလိမ့်မေ။

                         ပန်းသီကြိုး(ရသေ့တောင်)
                         ၁၇-၇-၂၀၂၁

            ဗိုလ်မှူးကြီး ဘုန်းမြတ် သို့ ဝမ်းနည်းအောက်မိခြင်း။

[Zawgyi]ကိုယ္က်ိဳးၾကည့္သူတိမေလွ်ာက္ဝံ့ေရလမ္း

ေနာက္ဆံတင္းသူတိ မေရာက္ျဖစ္ေတလမ္း

ၾကယ္ႄကြီလမ္း...

လမ္းေပ်ာက္နိန္ေရအနာဂတ္ကို

လမ္းေဖာက္ပီးဖို႔စိတ္နန႔္

ပီးဆပ္ခေရအတိုင္း

ေဒၾကယ္ႄကြီလမ္းတိ

ေျပာင့္ပါလီ...

မနားတမ္းေလွ်ာက္ခေရခလွမ္းတိုင္း

လမ္းခုလတ္မာ ႄကြီေရ ၾကယ္တိုင္း

အမွန္လြမ္းသူတိဟိမ့္ေၾကာင္း

သမိုင္းတိက လမ္းမွန္ေရာက္ေအာင္ျပပါလိမ့္ေမ

ရွင္သန္ျခင္းနိယာမထဲမာ

သီျခင္းတရားဆိုစြာက က႑ေခ်တစ္ခုေလာက္ရာ

အေရးပါေၾကာင္း

ေနာက္လူတိေျပာပါလိမ့္ေမ

ထာဝရရွင္သန္မႈအတြက္

ၾကယ္ႄကြီလမ္းထက္မာ

ၾကယ္တိုင္းသင္းေရရနံ႔က

ရခိုင္ဆိုစြာဟိမ့္နိန္သ႐ြိ

သင္းပ်ံ႕ပါလိမ့္ေမ။

ေဒလမ္းက ၾကယ္ႄကြီလမ္းပါေဝ

မႏြမ္းေရပန္း စြာ

မခမ္းေရစမ္း မာ

ထာဝရ လန္းလိမ့္ေမ။

                         ပန္းသီႀကိဳး(ရေသ့ေတာင္)

                         ၁၇-၇-၂၀၂၁

စစ်တွေလမ်းမကြီး(၆)

[Unicode]

ရူထုတ်လိုက်တေလီကိုလည်း

သံသယစိတ်နန့်

ရှုသွင်းလိုက်တေလီကိုလည်း

သံသယစိတ်နန့်

မျက်စိနန့်မမြင်နိုင်ရေ ကိုရိုနာဗိုင်းရပ်စ်ကို

လူလူချင်း သံသယမျက်ဝန်းတိပြောင်းကြည့်လိုက်တေ

ဒေလမ်းမကြီး နာမကျန်းချိန်မာ

ဘဝတစ်ချို့ ကြမ်းကေလည်း

ရှုစရာလီကို သန့်စင်ဖို့

Mask campaign တိလီမာရွင့်လို့။

ဗားရှင်းမြှင့်ထားရေဗိုင်းရပ်စ်နန့်

ဗာရှင်းမမြှင့်နိုင်ရေ အသိတရားတိကြားမာ

တစ်ချို့က အောက်စီဂျင်တိုက်ပွဲထဲရောက်

တစ်ချို့က သုသာန်ဇရပ်ရောက်

ဒေလမ်းမကြီးတစ်လျှောက်မာ

သံသယတိရာ အတောင်ပေါက်နိုင်ရေကားယေ။

                           ပန်းသီကြိုး(ရသေ့တောင်)

                           ၁၄-၇-၂၀၂၁

[Zawgyi]

႐ူထုတ္လိုက္ေတလီကိုလည္း

သံသယစိတ္နန႔္

ရႈသြင္းလိုက္ေတလီကိုလည္း

သံသယစိတ္နန႔္

မ်က္စိနန႔္မျမင္ႏိုင္ေရ ကို႐ိုနာဗိုင္းရပ္စ္ကို

လူလူခ်င္း သံသယမ်က္ဝန္းတိေျပာင္းၾကည့္လိုက္ေတ

ေဒလမ္းမႀကီး နာမက်န္းခ်ိန္မာ

ဘဝတစ္ခ်ိဳ႕ ၾကမ္းေကလည္း

ရႈစရာလီကို သန႔္စင္ဖို႔

Mask campaign တိလီမာ႐ြင့္လို႔။

ဗားရွင္းျမႇင့္ထားေရဗိုင္းရပ္စ္နန႔္

ဗာရွင္းမျမႇင့္ႏိုင္ေရ အသိတရားတိၾကားမာ

တစ္ခ်ိဳ႕က ေအာက္စီဂ်င္တိုက္ပြဲထဲေရာက္

တစ္ခ်ိဳ႕က သုသာန္ဇရပ္ေရာက္

ေဒလမ္းမႀကီးတစ္ေလွ်ာက္မာ

သံသယတိရာ အေတာင္ေပါက္ႏိုင္ေရကားေယ။

                           ပန္းသီႀကိဳး(ရေသ့ေတာင္)

                           ၁၄-၇-၂၀၂၁

အိမ်မက်နန့်အချင်းဆက်ထားခရေရက်

အမုန်းတရားလွင်ပြင်ထဲက

မာနချေတောင် ပါမလာရေပန်းတိပွင့်ဖို့လို့

အသူကယုံကြည်မိဖို့လဲ

ဘဝကို အနိုင်အရှုံးနန့်

စပ်ဟပ်ဖာထေး ပနာ

အပြုံးပန်းချေတိ မဝီနိုင်ခရေလမ်း

ဒေ စမ်းချောင်းချေအရောက်မာ

တစ်သက်စာ လန်းလီဖိ ယေ

အချစ်ဆိုစွာ...

တစ်ရက်ထက်တစ်ရက်

ခိုင်မြဲလာရေ အရိပ်ရသစ်တစ်ပင်ပါဝေ

ယုံကြည်ရာလမ်းကိုလျှောက်ဖို့

အိမ်မက်နန့်အချင်းဆက်ထားခရေ ရက်မာ

တလောကလုံး ပန်းတိပိုင့် ပွင့်လန်းလားလိမ့်မေ။

                      ပန်းသီကြိုး(ရသေ့တောင်)

                      ၁၄-၇-၂၀၂၁

[Unicode]အမုန်းတရားလွင်ပြင်ထဲက

မာနချေတောင် ပါမလာရေပန်းတိပွင့်ဖို့လို့

အသူကယုံကြည်မိဖို့လဲ

ဘဝကို အနိုင်အရှုံးနန့်

စပ်ဟပ်ဖာထေး ပနာ

အပြုံးပန်းချေတိ မဝီနိုင်ခရေလမ်း

ဒေ စမ်းချောင်းချေအရောက်မာ

တစ်သက်စာ လန်းလီဖိ ယေ

အချစ်ဆိုစွာ...

တစ်ရက်ထက်တစ်ရက်

ခိုင်မြဲလာရေ အရိပ်ရသစ်တစ်ပင်ပါဝေ

ယုံကြည်ရာလမ်းကိုလျှောက်ဖို့

အိမ်မက်နန့်အချင်းဆက်ထားခရေ ရက်မာ

တလောကလုံး ပန်းတိပိုင့် ပွင့်လန်းလားလိမ့်မေ။

                      ပန်းသီကြိုး(ရသေ့တောင်)

                      ၁၄-၇-၂၀၂၁

[Zawgyi]အမုန္းတရားလြင္ျပင္ထဲက

မာနေခ်ေတာင္ ပါမလာေရပန္းတိပြင့္ဖို႔လို႔

အသူကယုံၾကည္မိဖို႔လဲ

ဘဝကို အႏိုင္အရႈံးနန႔္

စပ္ဟပ္ဖာေထး ပနာ

အၿပဳံးပန္းေခ်တိ မဝီႏိုင္ခေရလမ္း

ေဒ စမ္းေခ်ာင္းေခ်အေရာက္မာ

တစ္သက္စာ လန္းလီဖိ ေယ

အခ်စ္ဆိုစြာ...

တစ္ရက္ထက္တစ္ရက္

ခိုင္ၿမဲလာေရ အရိပ္ရသစ္တစ္ပင္ပါေဝ

ယုံၾကည္ရာလမ္းကိုေလွ်ာက္ဖို႔

အိမ္မက္နန႔္အခ်င္းဆက္ထားခေရ ရက္မာ

တေလာကလုံး ပန္းတိပိုင့္ ပြင့္လန္းလားလိမ့္ေမ။

                      ပန္းသီႀကိဳး(ရေသ့ေတာင္)

                      ၁၄-၇-၂၀၂၁

ဒါတွေ မင်းသိလားဗာဒံ -အပိုင်း(၂)

ဆောင်းမနက်ခင်းတွေဟာ

တိတ်တဆိတ်ရောက်လာပြန်ပြီ ဗာဒံ

မနှစ်က နှင်းတွေကို မင်းနဲ့ငါအတူထိုင်ငေး

ခဲ့တာကို သတိရမိတယ်

အချိန်တွေဟာ ပုံမှန်ပါပဲ ဗာဒံ

ငါတို့ကသာ လိုက်မမီတာပါ

ဒီဆောင်းတွင်းဟာ မနက်ခင်းလမ်းထလျှောက်နေကျသူတွေကို

နှင်းတွေနဲ့ ထွေးပွေ့ထားအုန်းမှာပဲ

မင်းအကြောင်းတွေငါတွေးမိတယ်

လာမယ့်သူကို မျှော်ရတာက

မျှော်လင့်ချက်ဆိုရင်

မလာမယ့်သူကိုမျှော်ရတာကို

အချစ်လို့ခေါ်တယ်ဗာဒံ

မင်းအရိပ်မှာဝေနေမယ့်အရွက်တွေကို

တကယ်လွမ်းရပါတယ်

ငါတို့ဟာ ရာစုနှစ်တွေကူးခဲ့တယ်

ထောင်စုနှစ်တွေကူးခဲ့တယ်

ဒါဟာ နည်းတဲ့ကုသိုလ်လား ဗာဒံ

ရာမပြည့်တော့‌တဲ့ လူသတ်တမ်းကပ်မှာ

ငါတို့ဟာရာစုနှစ်တွေထောင်စုနှစ်တွေကူးခဲ့တာပဲ

ဒါကြောင့်ထင်ပါရဲ့ ငါတို့ဟာ

အလှည့်အပြောင်းတွေအကြောင်းတော့

ပိုသိခဲ့ရတယ်

ခက်ခဲတဲ့ကာလတွေကိုဖြတ်သန်းဖို့

သတ္တိကို ပိုးမွေးသလိုမွေးခဲ့တယ်

မဖြစ်ချင်ဆုံးအရာဟာ

အဖြစ်ချင်ဆုံးအရာတွေထက် ခြေတစ်လှမ်းပိုသာနေကျပဲလေ

ဒီအချိန်တွေက ခက်တယ်ဆိုပေမယ့်

ပျင်းစရာမကောင်းတာတော့သေချာတယ်

နေတတ်ဖို့အတွက် ကျေနပ်စရာဟာရှားပါတယ်

ဘဝမှာ သတိမပေးဘဲရောက်လာတတ်တာနှစ်ခုရှိတယ်

တစ်ခုက အက်ဆီးဒင့်

နောက်တစ်ခုက အချစ် ပဲ

ဒါပေမယ့် ဗာဒံရေ

နောက်တစ်ခုရှိသေးတယ်

အဲတာ အာဏာသိမ်းတာလေ

ငါတို့အတွက်တော့ဘာအရေးလဲဗာဒံ

အာဏာရှင်လက်ထက်မှာ မွေးကတည်းက

နေလာတဲ့ရက်တွေကို

ပြန်ရလိုက်သလိုပဲပေါ့

အားလုံးဟာနေသားတကျနိုင်လွန်းတာ

အဆန်းကြီးဘာလားလို့မင်းတွေးနေလား

ဗာဒံ

လောကဟာ တကယ်တော့

ပူလွယ်အေးလွယ်မဟုတ်ဘူးလေ

ဒါတွေမင်းသိလားဗာဒံ။

အရှုပ်တွေကြားထဲမှာ

ရှင်းအောင်နေဖို့ဆိုတာ

လူမုန်းများတယ် ဗာဒံ

အဲဒါကော မင်းသိရဲ့လား

လူဆိုတာ ...

ကိုယ့်ထမင်းကိုယ်စားပြီး

လူတိုင်းကို လိုက်ကြောက်နေရတာလဲ

ငရဲတစ်မျိုးပဲလေ

ဘာမှမတတ်နိုင်ဘူးဗာဒံ

ဆူလွယ်နပ်လွယ်တွေများတဲ့ခေတ်မှာ

သွေးဆူစရာအ‌ကြောင်းတရားတွေက

ခေါင်းထောင်ကြစမြဲပဲလေ

မင်းကိုရှင်းအောင်ပြောရရင်

ဘဝဆိုတာ အရှုပ်ထုပ်ပဲ ဗာဒံရေ

နှင်းတွေရဲ့အကြောင်းတရားထဲမှာ

ဘဝဆိုစွာ ခဏတာမှုံဝါးခွင့်ရလိုက်တဲ့

မနက်ခင်းတစ်ခုလိုပဲ။

       ပန်းသီကြိုး(ရသေ့တောင်)

       ၁၄-၇-၂၀၂၁

လွမ်းကတ်တေ

ဆောက်လက်စ အတွေးတိနန့်
မယူမြစ်ကြီးကတော့ပုံမှန်လမ်းလျှောက်ထွက်နိန်ကျ

ရာဇဝင်ထဲကို
ခေါင်းတစ်လုံးစာလောက်ဖောက်ဝင်ကြည့်ရေ
ဒဏ်ရာ ဒဏ်ရာ ဒဏ်ရာတိ ထော

တာရှည်ခံအရာဝတ္ထုတိထဲကလည်း
အနာကို ဆီးထည့် ပတ်တူရစ်ပနာ
ရာဇဝင် ကို စကူရိုက်နန့် ဝက်အူချွတ်နိန်သံတိ

လွမ်းကတ်တေ လွမ်းကတ်ယာမလား
ဆောင်းပါးထည့်သား ယူလားလို့
အမှန်ကိုရှာမရ

နှစ်တစ်နှစ်၏ နောက်ဆုံးလက်ကျန်ထဲမာ
ရညှိပိုင်ကပ်နလီဖိ
အသိများလွန်းရေ ရောဂါပိုးတိရန်က
ကူးစက်မခံရဖို့

မောင်နှမ်းလို့ရာ
ကျေကျေနပ်နပ်အခေါ်ခံလိုက်ချင်ရေ
ဘဝမာ
ဖြားသတ်လမန် မဖြစ်ခစွာလည်း
ဂုဏ်ယူစရာတစ်မျိုး။

                         ပန်းသီကြိုး(ရသေ့တောင်)
                         ၈-၇-၂၀၂၁

သတ်ပုံစနစ်အမှားနန့်လူ

ချွေးတိနန့် ရုန်းနိန်ရေခန္ဓာ

ကာယ အားသက်သက်နန့်
ဒေခန္ဓာက ချွေးစက်တိနန့်မျောနိန်ရေ

ဖျားဆန်လီဆန်ရေပိုင်
လမ်းတိုင်းကတော့  ရုန်းအားနန့်ဆိုင်ရေမလား

‌နှစ်ဆယ့်လေးနာရီဆိုစွာ
ငါးဇာနှစ်သိုက်နန့်ညီလဲ
အချိန်ထဲ ပျော်ဝင်လားရေချွှေးစက်တိရာသိဖို့
အကောင်းအိပ်ခွင့်မပီးရေ
ညဉ့်တိရာသိဖို့

ဒေပိုင်ယာ
အချိန်တန်ကေ ဈီးပြတ်နိန်သံတိလည်းကြားနိန်ကျ
ဒေချွေးစက်တိကို အတန်နန့်ပီးရဖို့လား
သိုက်ရိုးမငေါက်တေ ဘဝတိပါးက
သိုက်ရိုးငေါက်ငေါက်တောင်းယူလီပါ
ချွေးဆိုစွာ ဈီးပြတ်မရရေအကြောင်း
ပညာတတ်တစ်ချို့လည်း
စာလုံးပေါင်းဖို့တောင်မတတ်။

                      ပန်းသီကြိုး(ရသေ့တောင်)
                      ၆-၇-၂၀၂၁

သမီးချေမိန်းရေ မေးခွန်း

ထမင်းစားပြီးယာလားမိန်းရေ

မပီကလာအသံချေကိုလွမ်းလို့

ဘာဘာ ထမင်းအယင်စားဖြစ်တေ။

                              ပန်းသီကြိုး(ရသေ့တောင်)

                              ၆-၇-၂၀၂၁

ဈီးသည်မ ခေါင်းခု

တောင်းတလုံးက ခေါင်း ထက်မာ...
နီထွက်ရာ အရပ်အတိုင်း မျက်နှာမူလို့

အခက်အခဲတိကြားက
အညောင်းဖြေရရေတချက်ချေမာ
ခေါင်းခု နန့် ပွတ်သုတ်လိုက်တေချွေးတိ
နိရက်ထဲကို အားအဖြစ် ပြန်လို့စီးဝင်လားရေ။

ဘဝဆိုစွာ ခေါင်းခုထဲက အားနန့်
ဆွဲဆန့်ထားရရေ ကာလအပိုင်းအခြားတစ်ခုရာ

အခြေခံအရေးသုံးပါးမာ
အစားတစ်လုပ်အတွက် ဇာလောက်အားထုတ်ပြီးယာလဲ
ရောင်နီတိမ်ဖုံးနိန်စွာကို
နရိပ် ရရေစိတ်နန့် ကျေးဇူးတင်ယင်း
ခေါင်းခု ကိုခွီလို့ခေါင်းမာတင်လိုက်တေ
ဘဝ ကို ဒေခေါင်းခုနန့် ပြန်ဝယ်ဖို့
လမ်းရှည်သရွီ တော့ လျှောက်ရဖို့သိမ့်ယေ။

                          ပန်းသီကြိုး(ရသေ့တောင်)
                          ၅-၇-၂၀၂၁

I have your mind

Like a bird

 It flew away

 In a river that changes color

 I have your mind

 Every time I thought my dream was true

 Like a child who is afraid of running out of bread

 It was as if he had not eaten yet

 I have your mind

  From the tip of the lip with overlapping footprints

  I had to decorate my life with the scent of jumping up and down

  I have your mind

 The arms of love

 Where indicated

 I have your mind

 I have standing like a broken clock.

                        Panthikyoe(Rathedaung)

                        3-7-2021

ငါ့မာတော့ မင်းစိတ်နန့်

ငှက်တစ်ကောင်ပိုင်
အဝီးကိုပျံလားရေ

အာကာအရောင် ပြောင်းနိန်ရေမြစ်မာ
ငါ့မာတော့ မင်းစိတ်နန့်...

အိမ်မက်ကို အဟုတ်မှတ်ခရေ အချိန်တိုင်းကို
မုန့် ကုန်လားဖို့ကြောက်တေ အချေတစ်ယောက်ပိုင်
ညှာနိန်ရစွာ
ငါ့မာတော့ မင်းစိတ်နန့်...

ခြီရာတိထပ်နိန်ရေ နှုတ်ခွန်းဖျားထက်က
ခုန်ဆင်းကူးခတ်လာရေ ရနံ့တိနန့်
ဘဝကို အလှဆင်လိုက်ရစွာ
ငါ့မာတော့ မင်းစိတ်နန့်...

အချစ်ဆိုရေလက်တံတိ
ညွှန်ပြရေအရပ်မာ ...
ငါကတော့ မင်းစိတ်နန့်
နာရီပျက်တစ်လုံးပိုင်ရပ်နိန်သူရာ။

                       ပန်းသီကြိုး(ရသေ့တောင်)
                       ၃-၇-၂၀၂၁