အမှောင်စွာ အရောင်မှိန်ဆင်းလာရေအာသီသနန့်
ဉာဉ့်နံရံကို ကျားကန်ထားသိမ့်ရေ
ပတ်ဝန်းကျင်က
အရှက်မလုံရေ အပျိုမချေကို ထိုးရေမျက်စောင်းမျိုးနန့်
မကောင်းကြောင်းပြောဖို့ရောက်လာရေ။
သစ်ရွက်တိကြားကဖောက်ထွင်းစီးဆင်းလာရေ
လရောင်တိက တသွင်သွင်မြည်လို့
ဇာအကြောင်းနန့်ပင်ဖြစ်ဖြစ်
ဉာဉ့်ဆိုစွာ အကောင်းမအိပ်ရကေပိုရှည်ရေပိုင်
အနားမာဆမ်းထားရေ လ ရည်မြစ်ထဲ
စီးမျောကူးခတ်နိန်လိုက်တေ။
သစ်ရွက်လှုပ်သံကြားရေ
ကမ္ဘာကြီးအကြောင်းထက်
ကိုယ့်အကြောင်းကိုယ်တွေးရေ
တလက်မဇာနှစ်မိုင်စကေးနန့်
ဘဝကိုထည့်ဆွဲရဖို့လည်း...
အခြီခံဥပဒေသတိထဲမာ
ဘဝကိုလက်တွိရွီးဆွဲဖို့
ကိုယ့်မီးစာနန့်ကိုယ်လောင်ကျွမ်းယင်း
လ ရည်ဆမ်းထားရေဉာဉ့်မာ
နီတစင်း၏အတ္တပုံဆောင်ခဲတိနန့်
ဘဝဆိုရေပင်လယ်ကို ဘေးသတ်ဖြတ်ကူးနိန်ရေ။
ပန်းသီကြိုး(ရသေ့တောင်)
10:15pm/10-2-202
