ဒေါင့်ဒဲကျနိန်ရေ ကင်းစွန်းခင်းပိုင်ရာ
မျှော်လင့်ချက်တိဆိုစွာက
ရွက်နုထိုးလိုက် ကိုက်ဖြတ်ခံလိုက်
စစ်ပွဲကို ပတ်စာခွါဖျာသိမ်းဖို့
မိုးသောက်လို့လည်း
တနီဝင်လို့လည်း
ယင်းပိုင်နန့်
ပတ်စာလည်းမကွာ
ဖျာလည်းမသိမ်း
ရွာတိမာ တဂျိမ်းဂျိမ်း။
ကြည့်ဖူးရေရုပ်ရှင်နန့်
ကြုံဖူးရေအဖြစ်ကမတူ
ရုပ်ရှင်ထဲမာဆိုစွာက သရုပ်ဆောင်စွာရာမလား။
လွတ်ရာလွတ်ကြောင်းတိကိုရာ
အားပြု
သမီးချေမမှတ်မိခရေရွာကအိမ်အကြောင်း
သမီးကိုပြောပြရဖို့သိမ့်။
ပန်းသီကြိုး(ရသေ့တောင်)
11:18PM/2-1-2023
No comments:
Post a Comment