ပါးပြင်ထက်မာ အီးစက်စက်ဖြတ်သန်းလားရေ
အပါးချေပါရာ
လက်တအုပ်စာ ဂမူချေထက်မာ
အိစက်စက်ပေါ်ကျလားရေ
အဆုံးနန့်အစစွာ ရထားတစီးပိုင်လွန်းထိုးယင်း
နောက်ဆုံးမာ အမြင့်ကိုရောက်ခပါယာ။
ငြိမ်သက်လားရေဗလောင်ဆူသွီးစက်တိလည်း
အအီးဓာတ်နန့်တတူ အနည်ထိုင်လားယာ
လက်တကမ်းစာကမ္ဘာစွာ
အရပ်မျက်နှာမဲ့လျှက်
တိတ်ဆိတ်ခြင်းစွာငြိမ်သက်စီးမျောလျှက်
ယင်းပိုင်နန့် အာရုဏ်တက်ခယာကားယေ
မျက်စိတဆုံးအရပ်မာပေါ်နိန်ရေ
ပန်းကနူတ်တိကိုကြည့်ယင်း
စီးကရက်ဘူးထဲက
နောက်ဆုံးစီးကရက်တလိပ်ကို
နောက်ဆုံးဖွာရှိုက်ယင်း
နောက်ဆုံးမှုတ်ထုတ်လိုက်တေ မခိုးတိနန့်။
ပန်းသီကြိုး(ရသေ့တောင်)
၁-၁-၂၀၂၃/8:27AM
No comments:
Post a Comment