ငါ့နံရိုးချေတိ၏အသက်ရှူသံ

စိတ်ချနှလုံးချယာ

ငါ့နံပါးမာ

ဉာဉ့်ကအက်ကြောင်းထဲစိမ့်ဝင်နိန်ဗျာယ်

ငါက နိမ့်လိုက်မြင့်လိုက်ဖြစ်နိန်ရေ

အိမ်မြှောင်ချေစုတ်ထိုးလိုက်တေ

ခွီးတကောင်ဟောင်သံကြားရေ

အရာ ငါ့နံရိုးချေတိအသက်ရှူသံကြားရေ

သောက်ရီအိုးကစိမ့်ထွက်လာရေရီတစက်ပိုင်

သူရို့အိပ်စက်နိန်ကတ်တေ

ငါကတော့နံရံတိပိုင်တည်ငြိမ်နိန်ပြန်ရေ

ဖောက်ဝင်လာရေမှိန်ဖျော့ဖျော့အလင်းစကားတစ်ခွန်းမာ

လူးလားခေါက်ပြန်လျှောက်ယင်း

ဆက်ထုံးလည်းမပျီနိုင်ဗျာယ်။

                           ပန်းသီကြိုး(ရသေ့တောင်)

                           27-12-2722/10:30PM