တတိုင်က...
အိတ်စ်ဇောပိုက်တိ
အပူလွန်ကဲနီရေ အိတ်စ်ဇောပိုက်တိပိုင်
မျက်စိ နား နှာခေါင်း
အာရုံခံအင်္ဂါတိ လိုဘဦးဆောင်ရာနောက်
ဆစ်ဂနယ်မီးမပြဘဲ
ကွေ့ချလိုက်တေသူ။
တတိုင်က...
ခြူခြာမရသတ်နီရေ
ပတ်ဝန်းကျင်ကို ဂရုမထားနိုင်ရေစိတ်နန့်
ဝမ်းနန့်အား မမျှတရေအရပ်မာ
ခံယူချက် တချို့တဝက်နန့်
ဘဝကို ခေါင်းခုလုပ်ထားရေသူ။
တတိုင်က...
ပတ်ဝန်းကျင်ကို လဘောချ
ဘောရိရအထာနန့်
ကြက်ဥအကျင်ပိုင်
အနစ်နန့်အကာရောလားရေသူ။
ယင်းပိုင်နန့်...
ရပ်တန့်နီရေနာရီစင်ကြီးအောက်မာ
နာလာမြောင်းတိလည်း
အနံအဖြစ်ရာစီးလို့မြင်ယင့်။
ပန်းသီကြိုး(ရသေ့တောင်)
၁၀-၅-၂၀၂၁
No comments:
Post a Comment