ရှေ့တတည့်ကိုကြည့်
ဂီယာနံပါတ်တိထက်အရေးပါစွာက
နင့်လက်ဖမိုးထက်မာ
ငါလက်ဖဝါး။
မင်းနှလုံးသား ဆောင့်ထွက်မလားဖို့
လီဗာကို အသာထိန်း
ရင်ခုန်သံတဒိန်းဒိန်းပြန်ကြားဖို့
ဆံနွယ်တိလီမာ တဖျတ်ဖျတ်လှုပ်ခတ်နိန်သံစွာ
အလှဆုံးတေးသွားဖြစ်လားရေ။
စိတ်ကိုအီးလို့ထား
ရှေ့တတည့်ကိုကြည့်
အကွေ့တိရောက်ကေအရှိန်လျော့ဖို့လိုရေပိုင်
ဘဝ ကိုလည်းအားနန့်မကွေ့မိစီကေ့
စိတ်ကိုအီးလို့ထား
ရှေ့မာပေါ်လာရေအရာတိုင်းကိုချန်ထားခဖို့
ငါရို့ခရီးလားကတ်စွာဖြစ်တေ
အချစ်ဆိုစွာ
မကုန်ခမ်းနိုင်ရေ လောင်စာ
ဘဝဆိုစွာက ဘောင်မပါရေအနား
ငါကတော့ နင့်အတွက် ခွန်အားရာဖြစ်ချင်ရေ။
ပန်းသီကြိုး(ရသေ့တောင်)
26-6-2021
No comments:
Post a Comment