မယူကမ်း

မယူကမ်းကိုခြီချလိုက်မိတိုင်း
အတိတ်ကနှလုံးသားစွာ
ဂုထိအရင်ပိုင်ခုန်နီတုန်း

အမှတ်တရတိစွာ
မယူတောင်တန်းကိုဖြတ်သန်းတိုက်ခတ်လာရေလီပိုင် အဟုန်ပြင်းနီတုန်း

ဒေရီဒေမြီဒေသဘာဝတရားတိနန့်
ဘင်္ဂလားပင်လယ်စွာ
အတိတ်ကပုံရိပ်တိကို
ဂုထိပြောပြနီတုန်း

မယူကမ်းသားတိစည်းလုံးမှုနန့်
အယူဝါဒကိုပြောပြဖို့
‌မယူတောင်ဦးမာ
တောင်ဦးဘုရားဟိမ့်ရေ
ဗုဒ္ဓဘုရားရှင်ဗျာဒိတ်ပီးပခရေ
လိုင်ရိုးတော်ဓာတ်စေတီဟိမ့်ရေ

မယူကမ်းသားတိစေတနာကို
ချပြဖို့
အစုပွဲတိဟိမ့်ရေ
မယူကမ်းသမချေတိအလှကိုခြယ်သဖို့
အဆိုတော်ဦးမောင်သိန်း၏
မယူကမ်းသမချေဟိမ့်ရေ
မယူကမ်းသားတိမြိုသိပ်မှုကိုမြင်ရဖို့
ပဲရုံမြို့ရိုးဟိမ့်ရေ
မယူ ဒေသကိုစောက်ရှောက်ဖို့
မယူရှင်မနတ်ကွန်း
ရဲပန်ဇင်းနန့်ရဲအောင်တိုင်ဟိမ့်ရေ။

မယူကမ်းစိုင်တလျှောက်
ဘင်္ဂလားပင်လယ်လှိုင်းအူသံတိမပျောက်သရွီ့
တခေါက်ခေါက်တော့
ရောက်အောင်လာလတ်ပါ။

            ပန်းသီကြိုး(ရသေ့တောင်)
            ၂၃-၂-၂၀၂၁