ရှေ့တစ်အိမ်ကျော်မှာ
လက်နက်ကြီးကျည်တွေလာကျတယ်
နှင်းတွေလိုမှုန်မှိုင်းတဲ့မီးခိုးလုံးတွေကြားထဲ
၂၀၁၉ရဲ့နှစ်သစ်ကို
တိုက်ပွဲခေါ်သံနဲ့စဖွင့်လိုက်တယ်။
အသက်ဆိုတာ
သစ်ရွက်ပေါ်ကိုနှင်းတွေကြွေသလို
ကြွေဆင်းသွားကြ
အသက်ဟာ အာဏာရှင်မှာပဲပါသလိုလို
တိုက်ပွဲသတင်းတွေ
သဘောထားထုတ်ပြန်ချက်တွေ
နစ်နာကြေးတွေ
ဝမ်းနည်းကြောင်းစာရွက်တွေ
တိုက်ပွဲဟာ
လိုငွေပြနေတဲ့
အစိုးရဘတ်ဂျတ်လိုပဲ
ငါတို့ဟာ
ကိုယ်မယူတဲ့အကြွေးတွေ
အတိုးနဲ့လိုက်ဆပ်နေရတယ်။
ပန်းသီကြိုး(ရသေ့တောင်)
၇.၁.၂၀၁၉
No comments:
Post a Comment