•••••••••••••••••••••••••••••••••••••••••••••
အနီရောင်ဇာထည်အောက်က
အနက်ရောင်ကြယ်တစ်စင်းရဲ့
တဖျတ်ဖျတ်အလင်းထဲ...
တည်တည်ငြိမ်ငြိမ်လေးကျဆင်းလိုက်တယ်။
ချထားတဲ့မျက်လွှာလေး
တစ်ထပ်ချင်းဆွဲခွာလိုက်ဖို့
ငါမဝံ့ရဲခဲ့ပါဘူးလေ။
နွေရဲ့ညနေခင်းလေပြေထဲ
ငါဟာကြွေပြီးရင်းကြွေ...။
တရားမဝင်တဲ့ရနံ့တွေကြား
လိုင်စင်မဲ့နှလုံးသားဟာ
ဇာရောင်စုံဖက်ရှင်တစ်မျိုးရဲ့
အတွင်းဘက်နံရံတွေဆီပြေးတက်သွားတယ်။
မင်းဟာနွဲ့နွဲ့လေးလင်းခဲ့တဲ့ အလင်းတန်း
နှလုံးသားကို နှစ်သန်းပေါင်းများစွာ
ဖြတ်သန်းခဲ့ပြီပေါ့
မင်းရဲ့ညာရင်အုံအပေါ်နားကမှဲ့တစ်စင်းရဲ့
အလင်းက တဖျတ်ဖျတ်လတ်လို့။
ပန်းသီကြိုး(ရသေ့တောင်)
၆.၄.၂၀၁၈
No comments:
Post a Comment