အသက်ရှူသံဇာနှစ်မျိုးလောက်ကြားနိုင်လည်း။ဉာဉ့်စွာတိမ်ခြင်းနက်ခြင်းနန့်မသက်ဆိုင်ပဲ အလင်းနန့်အမှောင်ကို ချခရော်ပြန်ပါအောင်ချိတ်ဆွဲထားရေ။
အိမ်မြှောင်တကောင်ပိုင်
စကားလုံးတိကိုအမဲလိုက်ယင်း
စိတ်စွာ မျက်နှာကြက်မာ ကပ်နိန်ရေ။
အရီပြားယားယံမှုတခုပိုင်
ဆာလောင်နိန်ရေ။
လူနန့်မသက်ဆိုင်ရေရပ်ဝန်းက
ကျွန်တော်နန့်သက်ဆိုင်စွာလည်း
တကူးတကမပြောမိ။
ငါကရပ်ဖို့လို့ထိုင်လိုက်ကေ ငါ့မာလမ်းကိုရောက်နိန်စွာနန့်လည်း ဂွရာမလားယေ။
အနားယူဖို့အတွက်နန့်
အလားတူစွာကိုရှာကြည့်ယင်း
အိတ်ထဲကလက်ထိုးနှိုက်ထုတ်လိုက်တေ
မဂြုတ်တလုံး
စီးကရက်တလိပ်
လီမာရွင့်နိန်ရေမခိုးချေတိ။
မှိတ်ထားလို့မြင်နိန်ရေမြင်ကွင်းတိကို
ငါ့မာအစရှာလို့မရနိုင်။
ပန်းသီကြိုး(ရသေ့တောင်)
11:19PM/2-5-2023
ဒုံး
တနားချေကြာရေ
အချေငိုသံ
ငါ့သမီးလားသိချင်
ဖတ်လတ်စစာအုပ်ကိုပိတ်
ထိုင်ရာကထပြီးမှ
မဟုတ်လို့သိလိုက်ခါ
ပြန်ထိုင်
ဖတ်လတ်စစာအုပ်ကိုဖွင့်
ငါသမီးငိုသံမဟုတ်
အချေတယောက်ငိုစွာရာ။
ပန်းသီကြိုး(ရသေ့တောင်)
1-5-2023/3:30PM
တိမ်တိက ဗိုင်းဖဲ့တိပိုင်အဆုပ်ဆုပ် ငါ့ခေါင်းထက်မာ လရောင် ယပြီးကေ ရီပြတ်လတ်မှု မမျှတခြင်း ခြီကျိုးနိန်ရေ ဗဟပ်တစ်ကောင် မဆီမဆိုင်ပ...
